AIREAREN INDARRA

Osagaiak:
Lastoa Haria Zeloa Puxika bat
Egiteko modua:
1 Lehenengo, haria lastoaren barruan sartu dugu. 2 Puxika puztu eta eskuaz estali dugu, aireak ihes egin ez dezan. 3 Zeloz itsatsi diogu puxika lastoari, eta puxika askatu egin dugu. 4 Zer gertatu da? Puxikak eta lastoak haritik alde egin dute! Izan ere, puxika barruan zegoen, eta airea atzera bota dugu, eta, ondorioz, puxika eta lastoa aurrera mugitu dira.

MARRUBIZKO IRABAKIA

Marrubizko Irabiakia
Osagaiak: 100 g. marrubi Izozki-bola bat 2 koilarakada marrubi ziropea Kanela-hautsa
Egiteko modua: 1. Osagai guztiak irabiagailuaz ondo nahastu. 2. Ontzi handi batera bota 3. Hozkailuan sartu. 4. Hozten denean, prest dago jateko!

INGURUMEN BALIABIDEEN ETXEA

Naturgintza Fundazioaren Ingurumen Baliabideen Etxea Mandasko Dukearen jauregian kokatua dago, Kristinaenea parke historikoan (Egia auzoa). 1.100 m2 ditu, eta, garai batean kapera izandako eraikinean dago. Ingurumenaren inguruko kultura zabaltzea, eta biztanleak kultura horretan haztea du eginkizun Ingurumen Baliabideen Etxeak. Zenbait gela eta esparru ditu horretarako: erakusketa-gelak, dokumentazio-zentroa, ikasleentzako pedagogia-gelak, Donostiako Agenda 21erako lan-bulegoak, Naturgintza Fundaziorako lan- eta ikerkuntza-gunea… Ekainaren 27an, erakusketa bat estreinatu zen zentroan, Donostiako oinezkoentzako guneei buruzkoa. erakusketak “Oinezkoen guneak hiritarren bizitzarako” izena zuen, eta uda osoan egon zen irekita. Urriaren 2an bukatu zen erakusketa, baina lasai egon! Izan ere, oraindik ere aukera izango duzue beste erakusketa batzuk ikusteko. Beharrezkoa den kultura-aldaketa gauzatu dadin, eta herritarren kontzientzian ingurumena gehiago errespetatzeko jarrerak susta daitezen, funtsezko tresna izango da Kristinaeneako Ingurumen Baliabideen zentroa hiriarentzat. Anima zaitezte, bai Donostian bizi zaretenak, eta, zergatik ez, baita Donostiatik kanpo zaudetenak ere, eta etor zaitezte egia auzora! Ez zarete damutuko, benetan! Laster arte! Errespeta dezagun ingurumena! http://www.euskaraz.net/Hezkuntza/Auzoka/Auzoka76/04

EUSKAL HERRIA EZAGUTZEN

Euskal Herria Europako Hego-mendebaldeko lurraldea da.
Aturri ibaitik Ebro ibaia bitarteko lurretan kokaturik dago. Bi isurialdetan banatua dago: atlantikoa eta mediterraneoa.
Bien arteko muga Pirinioek, Aralar, Aizkorri eta Gorbeia mendikateek egiten dute. Banaketa hori dela eta, paisaia desberdintasuna handia da: mendiak, haranak, lautadak, kostaldea...
Isurialde atlantikoa lurralde menditsua da, Pirinioetako mendiak itsasoraino iristen baitira.
Pirinioetako mendebaldeko muturrean daude Euskal Herriko mendirik gorenak: Hiru errege mahaia, Kartxela, Orhi besteak beste. Bainan Pirinioetatik kanpo ere badaude historia eta tradizioarekin lotutako beste hainbat mendi:Gorbeia, Aizkorri, Anboto, Aralar...

Euskal Herriari buruzko informazioa, albisteak, irudiak, etb lortu nahi izanez gero euskal kulturaren ataria bisitatzea gomendatzen dut.http://www.eke.org/albisteak